Debati me qytetar i paraparë për 27 Mars 2013 në ora 10:00, lidhur me Statutin e KK në Ferizaj ka dështuar për shkak të mos pjesëmarrjes së qytetarëve në këtë takim.

Sipas zyrtarëve komunal njoftimet lidhur me këtë takim janë bërë me kohë dhe në vendet e parapara për njoftim, por si gjithnjë ka mungesë të pjesëmarrjes së qytetarëve.

INPO konsideron se me këtë formë të organizimit Kuvendi Komunal nuk mund ta përmbush KAPITULLIN VI të Statutit të Komunës për Konsultime dhe Pjesëmarrje.

INPO ka një kohë të gjatë që raporton për pjesëmarrjen e ulët të qytetarëve në debatet e organizuara nga kuvendet komunale dhe për këtë kemi rekomanduar disa herë që ftesat të bëhen me kohë dhe të ftohen një pjesë me ftesa të veçanta.