Ferizaj, 16 Korrik- Djegia e librit “Këmbët e gjarprit” të publicistit Veton Surroi, nga Organizata e Veteranëve të Luftës së UÇK-së, është akt i shëmtuar dhe denigrues. Një veprim i tillë është në frymën e mendësisë moniste. Këto veprime na rikujtojnë komunizmin, mungesën e shprehjes së mendimit, fjalës së lirë dhe paguximin për t`u përballur me mendimin ndryshe. Djegia e librit të z. Surroi dhe të z. Blendi Fevziu më herët është e të njëjtit koncept të të menduarit që bie në kundërshtim me parimet themelore të demokracisë, të cilat garantojnë lirinë e shkrimit dhe shprehjes të mbrojtura me kushtetutë.